Adineko pertsonak

Caritasek adineko pertsonen aitorpen sozialaren, partaidetzaren, sustapenaren eta autonomiaren alde egiten du lan. Egoerak aztertu eta analizatu ondoren, hainbat parrokia-ekimen koordinatu eta bultzatzen dira, detektatutako gabeziei erantzuteko.

Zuzeneko lana parrokietan. Adineko pertsonen partaidetza bultzatu nahi da parrokia-komunitateko bizitzan, haien beharretatik abiatuta. Horretarako, harrera eta topaketarako leku bat eskaintzen du programak, jarduera kulturalak, ludikoak, kirol-jarduerak, erlijiosoak eta aisiakoak, oro har, egiteko. Horrez gain, sustapen sozialerako eta hausnarketarako guneak bultzatzen dira.

Parrokietako klubak. Aisiarako, harremanetarako eta sustapen psikosozialerako gunea eskaintzen dute. Klub horietan, hainbat arlotako jarduerak sustatzen dira: eskulanak, kultura, kirola, erlijioa eta aisialdia.

Adineko pertsonentzako egoitzekin egiten den lankidetza. Jarduera horren helburua egoiliarrei entzutea, babesa ematea eta lagun egitea da, eta kanpoaldearekin lotura izatea. Eginkizun horrek egoitzetan antolatutako zenbait jardueratan parte hartzea dakar eta, era berean, Caritasek antolatutako beste jarduera batzuetan parte har dezaten motibatzea. Elkarlan horiek egoitzetako animazio soziokulturalaz arduratzen den pertsonak gainbegiratuta garatzen dira.

Print Friendly, PDF & Email