Ikasketetarako Laguntza jardueran egiten den boluntariotza indartzeko deia egin du Caritasek. “2 ordu, mila arrazoi” leloarekin, kanpainak haurrei eta nerabeei laguntzeko konpromisoarekin bat egitera gonbidatzen gaitu, astean ordubeteko bi saiotan.
Caritaseko eskola-laguntzako boluntarioek gutxienez 2. graduko Lanbide Heziketako prestakuntza dute. Eta enpatia, erantzukizuna eta jarduerarako zehaztutako egutegia betetzeko konpromisoa eskatzen zaizkio.
Zertan datza ikasketei laguntzeko jarduera?
Lan-dinamika planteatuta dago ikasketetan eta eskola-bidean laguntzeko saio pertsonalizatuetan, ordubeteko bi saio eskainiz astean; gehienez ere hiru ikasle elkartzen dira ikasgela bakoitzeko, ahal dela ikastetxe eta ikastalde berekoak. Boluntario bakoitzari hastapen- eta sendotze-ikastaroak ematzen zaizkio, bai eta lanerako orientazioa eta materiala.
Laguntza-saio bakoitzean, boluntarioak lan-giro egokia sortzen saiatzen da, haurra gustura eta konfiantzaz senti dadin; eta haren jarrera eta errendimendua hobeak izan daitezen. Prozesuaren barruan sartzen dira ikaskuntzaren jarraipena eta ebaluazioa —bai ikastetxean, bai Caritasen laguntza-saioetan ikasitakoarena—, eta emaitzak familiei helarazten zaizkie aldian-aldian, jakinaren gainean egon daitezen.
Interesatuek informazioa eskatu dezakete 688 64 65 13 telefonoan edo prinfancia@caritasvitoria.org helbidera idatzi.
